Serat Sastra

                                                                 Carios Sanija Ku: Érlangga Sanija budak ngora kénéh. Disebut ngora kénéh sotéh pédah katingali tina awakna nu can pati jangkung jeung sarua wé jiga budak rumaja jaman harita. Resep ulin, nurut ka kolotna, jeung resep diajar éta pasipatan Sanija. Karesepna mun keur ngaji téh nyaéta macaan buku nu ditulis ku guruna. Resep kana buku téh sabab kaharti basana. Da puguh buku basa Sunda najan aksarana Arab. Salian tina maca, Sanija gé diajarkeun nulis maké aksara Arab.   Guru ngajina Sanija mah lain asli urang dinya. Lulusan ti pasantrén, tuluy ngalalana nepi ka ka ieu kampung. Meunang jodo ka urang dieu. Basa nyantrén baheula diajarkeun nulis jeung maca nepi ka tapisna jeung alus tulisanana. Di kampung ieu gé manéhna sok ngajar...

                                                                                                 Kasampak Ku: Érlangga Peuting harita, kuring keur nyeuseuh di kamar cai. Teu lila, adi kuring datang. Pok manéhna ngomong “Téh, naha nyeuseuh téh dibaturan ku pocong.” Nguping adi kuring ngomong kitu, kuring lumpat ka kamar indung. Di kamar indung kuring kasampak indung kuring keur saré tibra dibaturan ku adi kuring anu saré di gigirna.

  Rumpaka 1: Rasana cinta Verse 1 Sakali ngarasakeun cinta Di jerona haté nu tulus Dina ieu kahirupan Salira aya salaku ubar Chorus Dina haté kuuring, aya anjeun Mawa cahaya nu caang Saban waktu urang babarengan Cinta urang moal ilang Verse 2 Kuring hayang urang salawasna Leumpang bareng ngaliwatan sagala Sagala halangan anu bakal kasorang Cinta urang salawasna Chorus Dina haté kuuring, aya anjeun Mawa cahaya nu caang Saban waktu urang babarengan Cinta urang moal ilang Rumpaka 2: Bumi Parahyangan Verse 1 Sora manuk ting kocéak Ti gunung nu nembongkeun kaéndahan Ti gunung-gunung anu ngajulang luhur Parahyangan, lemah cai anu suci Chorus Bumi Parahyangan, lemah nu subur Laut jeung gunung matak betah ningali matak reueus cicing di dieu Parahyangan lemah cai kuring Verse 2 Sapanjang leuweung jeung sawah Hayu urang ngajaga alam ieu Ngahiji pikeun keur kahadéan Bumi Parahyangan éndah salawasna Chorus Bumi Parahyangan, lemah nu subur Laut jeung gunung matak betah ningali matak reueus cici...

WAWANGSALAN Konéng panjang tur buluan Bohong lamun teu cinta :Jagong Bubuhan maké kacang Ngajak ngajak nu teu suka :Rujak Jentréng senar dua puluh Kaimpléng kénéh pipina :Kacapi Aya kecap tur dibaca Da geus kitu babakuna :Buku Alatna paragi nulis Daging téh meni alot :Paltot Dipakéna keur ngeunteung Kacatur nu sulaya :Kaca Sok dipaké ku jalema Kuring kajeun ngalalana :Calana Dipaénkeunna ku dalang Maksa maksa nu teu hayang :Wayang Dipakéna ngeureut daging Lamun ngaso ulah lila :péso Sok dipaké nunda paré Ngaleungit duka ka mana :Leuit PAPARIKAN Nutup panci maké turub lamun ngibing ku badaya Urang Sunda kudu guyub Jaga alam jeung budaya Leuleumpangan gigir jalan luak-lieuk néang kéjo ulah nuar tatangkalan ngarah alam tetep héjo Ka lembur téh rék papajar Numpak mobil anu bener yuk urang getol diajar sangkan urang jadi pinter Isuk-isuk neukteuk kuku bari dahar bubur lemu sok geura macaan buku sabab buku gudang élmu Ningalian batu tulis di gigireun tangkal jambu hayu urang geura nulis bisi...

Kuring É rlangga atawa kulawarga jeung baturan kuring mah sok nyebut Kakang. Kuring gumelar ka alam dunya taun 2003, di Kota Bandung. Keur leutik mah kungsi cicing di Subang tapi teu lila balik deui ka Bandung. Ayeuna kuring cicing jeung kulawarga di Jl. Kawaluyaan, Kota Bandung. Ti leutik, kuring gede di lingkungan anu sapopoéna masih maké basa Sunda, malah aki kuring baheula ampir unggal isuk-isuk nyetél lagu Darso. Hal ieu anu mangaruhan kuring resep kana basa Sunda. Kuring ogé resep adu bagong jeung wayang. Sanajan kitu, kuring angger wé lciga budak leutik umumna nyaéta resep kartun ogé. Jaman SD, kuring sabenerna teu loba teuing anu kuring inget béda jeung basa SMP. Basa SMP harita di SMP BPI, kuring   kungsi ngilu pasanggiri dongéng anu diayakeun ku Riksa Budaya Sunda di UPI. Meunang? Jelas lah! É léh! Tapi lain hartina jadi kanyeri keur kuring tapi jadi pamecut pikeun beuki ngaronjat. Basa di SMP, kuring ngiliuan ékstrakulikulér karawitan. Ti éskul ieu, kuring téh beuk...